• Grünert Matthias

Blera variaziun tranter la Val Tujetsch e la Val Müstair

Il seminari tracta ils dialects rumantschs d’ina vart sco resultats da svilups istorics (perspectiva diacrona), da l’autra vart areguard las caracteristicas che als distinguan mintgamai dals dialects vischins (perspectiva sincrona). L’interess diacron dominescha en la litteratura speziala ch’è sa sviluppada dapi ch’il dialectolog talian G.I. Ascoli ha postulà il tip linguistic «ladin» («retorumantsch» tenor Th. Gartner) en opposiziun als dialects talians da l’Italia dal nord e da la Svizra taliana.

Las participantas ed ils participants dal seminari sa famigliariseschan cun questa litteratura e descrivan dialects tschernids, cumplettond la perspectiva diacrona, dominanta en la litteratura, cun quella sincrona a basa dad observaziuns empiricas. Ulteriurs temas èn las descripziuns dal spazi dialectal rumantsch da H. Schmid ed il studi da svilups pli novs en varietads localas u regiunalas. Sper las registraziuns dals dialects tradiziunals vegnan consideradas registraziuns da tun actualas da las medias rumantschas.

Il seminari è lià tematicamain a la lecziun “Rätoromanische Sprachgeschichte”. El approfundescha aspects che vegnan preschentads en quella, po dentant vegnir frequentà era independentamain.

Las participantas ed ils participants...

– enconuschan il svilup da la dialectologia dal rumantsch dapi las publicaziuns da G.I. Ascoli,

– èn sa famigliarisad(a)s cun ils manuals dal champ da la dialectologia e san applitgar questas ovras en l’analisa linguistica da documents dialectals,

– san descriver varietads rumantschas sin differents nivels linguistics (fonetica, morfosintaxa, lexicon), distinguind la perspectiva diacrona e quella sincrona.

Ebneter, Theodor 1989: «Bündnerromanisch: Areallinguistik», en: G. Holtus et al. (ed.), Lexikon der romanistischen Linguistik (LRL), vol. 3: Die einzelnen romanischen Sprachen von der Renaissance bis zur Gegenwart, Tübingen: Niemeyer, 871-885

Schmid, Heinrich 1976: «Zur Gliederung des Bündnerromanischen», Annalas da la Societad Retorumantscha 89:7-62

Valär Rico 2013: Filistuccas e fafanoias da temp vegl/Flausen und Fabeleien aus alter Zeit. Registraziuns dialectalas rumantschas/Rätoromanische Mundartaufnahmen. Andrea Schorta 1926, Chur/Zürich: Institut dal Dicziunari Rumantsch Grischun/Phonogrammarchiv der Universität Zürich

Evaluaziun sin basa d'in referat e sin basa da la participaziun a las discussiuns en il seminari.

Evaluaziun sin basa d'in referat e sin basa da la participaziun a las discussiuns en il seminari.

Evaluaziun sin basa d'in referat e sin basa da la participaziun a las discussiuns en il seminari.

Evaluaziun sin basa d'in referat e sin basa da la participaziun a las discussiuns en il seminari.