• Grünert Matthias

Materia romana e spirt tudestg?

La caracterisaziun pregnanta e provocativa dal dialectolog talian G.I. Ascoli (1829-1907), “materia romana e spirito tedesco”, dueva caracterisar il rumantsch dal Grischun che n’ha betg mo emprestà blers pleds dal tudestg, mabain è er vegnì influenzà dal tudestg en las significaziuns dals pleds d’origin latin, en las cumbinaziuns da pleds, en la furmaziun da pleds novs, en las funcziuns da furmas grammaticalas sco er en la structura sintactica.

En il diever actual da la lingua pudain nus observar, sper ils fastizs dal contact linguistic dal passà, fenomens spontans dal contact linguistic: emprests spontans da singuls pleds, imitaziuns spontanas da cumbinaziuns tudestgas sco era la midada tranter las duas linguas a l’intern d’in pled u per segments pli lungs (code-switching).

A l’entschatta dal seminari vegn dada in’introducziun en las noziuns da la linguistica da contact che ans permettan da descriver la paletta vasta da fenomens che nus pudain observar en la lingua actuala, tant orala sco scritta. Suenter ans occupain nus da las documentaziuns e descripziuns dal contact linguistic pli nov en rumantsch. In’ulteriura etappa furman atgnas analisas dals fenomens dal contact linguistic en texts ed en registraziuns da tun.

Las participantas ed ils participants...

– enconuschan las noziuns da la linguistica da contact e las discussiuns principalas en la litteratura,

– san identifitgar ils fenomens dal contact linguistic en texts primars,

– san, co che differents fenomens èn repartgids en sorts da texts e tge funcziuns ch’els adempleschan là.

Liver, Ricarda 2009: «Deutsche Einflüsse im Bündnerromanischen», en: Michael Elmentaler (ed.), Deutsch und seine Nachbarn, Frankfurt a.M.: Lang, 133-148

Riehl, Claudia Maria 2014: Sprachkontaktforschung. Eine Einführung, 3. überarbeitete Auflage, Tübingen: Narr

Solèr, Clau 1991: Romanisch im Schams, Zürich (Romanisch und Deutsch am Hinterrhein/GR 5)

Weinreich, Uriel 2011: «The linguistic effects of bilingualism in Central Grisons», en: Uriel Weinreich, Languages in Contact. French, German and Romansh in twentieth-century Switzerland. With an introduction and notes by Ronald I. Kim and William Labov, Amsterdam/Philadelphia: Benjamins, 301-323

Evaluaziun sin basa d'in referat e sin basa da la participaziun a las discussiuns en il seminari.

Evaluaziun sin basa d'in referat e sin basa da la participaziun a las discussiuns en il seminari.

Evaluaziun sin basa d'in referat e sin basa da la participaziun a las discussiuns en il seminari.

Evaluaziun sin basa d'in referat e sin basa da la participaziun a las discussiuns en il seminari.