• Grünert Matthias

Il seminari è deditgà al studi sociolinguistic dal Grischun rumantsch sco er da la cuminanza rumantscha dador il territori tradiziunal. En il center da l’attenziun stattan repertoris linguistics che cumpiglian varietads rumantschas sper (varietads dad) autras linguas.

In’emprima gruppa da studis furman preschentaziuns da cuminanzas localas ch’èn basadas sin metodas cumbinadas (questiunaris, invervistas mez structuradas, observaziun participanta, funtaunas uffizialas) e che tractan cumpetenzas e praticas linguisticas sco era las tenutas envers las differentas linguas. Ina segunda gruppa da retschertgas pertutga la scola rumantscha e s’interessa là, sin basa da tests, per las cumpetenzas dals/da las scolarAs en rumantsch ed en tudestg. In project pli nov davart biografias linguisticas perscrutescha, cun intervistas narrativas, process d’identificaziun linguistica da RumantschAs en il champ da tensiun tranter varietads rumantschas ed autras linguas. In ulteriur tema pli nov è la promoziun dal rumantsch envers persunas immigradas e la dumonda, co che las linguas d’origin da questas stuessan vegnir resguardadas.

Sper la macroperspectiva, che s’interessa per la tscherna da las linguas ed il metadiscurs, vegn inclus er il sguard da la linguistica da contact che perscrutescha il reflex da la plurilinguitad en il diever concret, descrivind ils differents fenomens dal contact linguistic.

Suenter la recepziun dals studis existents concepeschan las participantas ed ils participants atgnas pitschnas retschertgas.

Las participantas ed ils participants...

– han la survista da las metodas da la sociolinguistica applitgadas al rumantsch,

– enconuschan las noziuns duvradas en las retschertgas tenor las differentas metodas,

– enconuschan ils resultats principals da la perscrutaziun sociolinguistica davart il rumantsch da fin ussa,

– san concepir in’atgna retschertga, tschernind ils instruments adattads.

Achtung: der Kurs findet neu mittwoch 10-12 statt.

Die Saalnummer wird demnächst bekannt gegeben.

Camenisch, Silvana/Peyer, Elisabeth (2014): «Quant bain chapeschan ils scolars da la scola rumantscha rumantsch? Chapientscha da la varietad da scola ed invista en la cumpetenza receptiva d’autras varietads», Annalas da la Societad Retorumantscha 127: 67-103, http://doc.rero.ch/record/257753/

Coray, Renata/Strebel, Barbara, 2011: Sprachwelten – Lebensgeschichten aus Graubünden / Munds da linguas – biografias linguisticas rumantschas, Baden: hier + jetzt

Kristol, Andres Max 1984: Sprachkontakt und Mehrsprachigkeit in Bivio (Graubünden). Linguistische Bestandesaufnahme in einer siebensprachigen Dorfgemeinschaft, Bern: Francke (Romanica Helvetica 99)

Riehl, Claudia Maria 2014: Sprachkontaktforschung. Eine Einführung, 3. überarbeitete Auflage, Tübingen: Narr

Vigers, Dick/Tunger, Verena 2010: «Migration in contested linguistic spaces: The challenge for language policies in Switzerland and Wales», European Journal of Language Policy 2/2: 181–203

Evaluaziun sin basa d'in referat e sin basa da la participaziun a las discussiuns en il seminari.

Evaluaziun sin basa d'in referat e sin basa da la participaziun a las discussiuns en il seminari.

Evaluaziun sin basa d'in referat e sin basa da la participaziun a las discussiuns en il seminari.

Evaluaziun sin basa d'in referat e sin basa da la participaziun a las discussiuns en il seminari.